सातारा : अवैधरित्या म्हैशींच्या वाहतूक प्रकरणी दोनजणांविरोधात सातारा शहर पोलीस ठाण्यात गुन्हा नोंदविण्यात आला आहे. याबाबत पोलिसांनी दिलेली माहिती अशी, ट्रकमध्ये क्षमतेपेक्षाही जास्त म्हैशींची वाहतूक केल्याप्रकरणी दोघांवर सातारा शहर पोलीस ठाण्यात गुन्हा दाखल झाला आहे. महिला पोलीस शिपाई स्वाती ओंबासे यांनी फिर्याद दिली असून, सिध्दार्थ मधुकर गवळी (रा. करवंड, ता. चिखली), रिझवान फकरु कुरेशी (रा. चंदियाना) यांच्यावर गुन्हा दाखल झाला आहे. हे दोघे दि. 21 रोजी कोल्हापूर ते पुणे राष्ट्रीय महामार्गावरील सातार्‍यातील हॉटेल फर्नजवळ 17 म्हैशी ट्रकमधून (एमएच 48 सीक्यू 8014) घेवून जाताना आढळले होते. प्राण्यांना क्रुरतेने वागणूक दिल्याप्रकरणी दोघांवर गुन्हा दाखल झाला असून, पोलीस उपनिरीक्षक सावंजी तपास करत आहेत.