सातारा : संशयास्पद मालमत्ता जवळ बाळगल्या प्रकरणी एका विरोधात सातारा शहर पोलीस ठाण्यात गुन्हा दाखल करण्यात आला आहे.

याबाबत पोलिसांनी दिलेली माहिती अशी, दि. 3 रोजी संध्याकाळी साडेसात वाजण्याच्या सुमारास अजंठा चौक, सातारा येथे प्रल्हाद शिवाजी पवार रा. गोपाळ वस्ती, अजंठा चौक, सातारा याच्या जवळ पंचवीस हजार रुपये किंमतीचे पाच वेगवेगळ्या सुट्ट्या भागात असलेले एका हिरो होंडा कंपनी च्या स्प्लेंडर मोटरसायकलचे पार्ट मिळून आले. त्याबाबत त्याला विचारणा केली असता त्याला समाधानकारक उत्तरे देता आली नाहीत. याबाबत सातारा शहर पोलीस ठाण्यात संबंधिताविरोधात गुन्हा दाखल करण्यात आला असून अधिक तपास पोलीस हवालदार सावंत करीत आहेत.