सातारा : महिलेच्या पर्समधील दागिन्याची चोरी केल्याप्रकरणी अज्ञाताविरोधात सातारा शहर पोलीस ठाण्यात गुन्हा नोंदविण्यात आला आहे.

याबाबत पोलिसांनी दिलेली माहिती अशी, येथील बसस्थानक येथे अज्ञात चोरट्याने महिलेची पर्स चोरुन त्यातील दोन लाख रुपयांचा राणीहार लंपास केला. हा प्रकार दि. 11 रोजी दुपारी 3.30 ते 5.30 या दरम्यान घडला. याबाबत शीतल अजय धनवडे (वय 39, रा. भाकरवाडी, ता. कोरेगाव, सध्या रा. डोंबिवली, प. मुंबई) यांनी सातारा शहर पोलीस ठाण्यात फिर्याद दिली आहे. पोलीस हवादार कदम तपास करत आहेत.