सातारा : विवाहितेचा जाचहाट करून तिचा मानसिक छळ केल्याप्रकरणी पती, सासरे, नणंद व नंदावा यांच्यासह अन्य दोघांवर शाहूपुरी पोलीस ठाण्यात गुन्हा दाखल झाला आहे.

धनश्री गणेश झगडे वय 28 राहणार पिलेश्वरी नगर म्हसवे रोड सातारा यांनी शाहूपुरी पोलीस ठाण्यात फिर्याद दिली आहे.

पती गणेश मारुती झगडे राहणार ससाणे नगर हडपसर, सासरे मारुती पुंडलिक झगडे राहणार मूळ भवानीनगर सणसर तालुका इंदापूर, नणंद वर्षा सागर ओव्हाळ व नंदावे सागर अशोक ओव्हाळ तुळजाभवानीनगर, नगर रोड खराडी पुणे यांच्यासह वैभव मारुती झगडे व त्यांची मावशी सुनंदा दत्तात्रय ससाणे राहणार ससाणे आळी हडपसर यांच्या विरोधात गुन्हा नोंद करण्यात आला आहे.

प्राप्त फिर्यादीनुसार विवाहितेला पतीने वारंवार शिवीगाळ करून तुला नोकरी करावीच लागेल, असे सांगत अपमानास्पद वागणूक दिली. शिवाय तुला पगार कमी आहे, मला तुझ्याबरोबर लग्न करायचे नव्हते, असे म्हणून वारंवार तिचा अपमान केला. तिच्या नोकरीचे पैसे काढून घेऊन तिला त्रास देण्याचा प्रयत्न केला. तसेच वारंवार दैनंदिन कामांमध्ये चुका काढून सातत्याने अपमान केल्याप्रकरणी संबंधितांवर गुन्हा नोंद करण्यात आला आहे. पोलीस कॉन्स्टेबल एस. के. वाघ अधिक तपास करत आहेत.