सातारा : क्रांतिसिंह नाना पाटील यांच्या शतकोत्तर रौप्यमहोत्सवी व्या जयंतीनिमित्त विद्रोही सांस्कृतीक चळवळ महाराष्ट्र च्या वतीने जयंती उत्सव आणि अभिवादन कार्यक्रम दि. 3 ऑगस्ट 2025 रोजी हा महाराष्ट्रात ठीक ठिकाणी आयोजित केले आहेत अशी माहिती विद्रोही सांस्कृतिक चळवळ महाराष्ट्राचे प्रवक्ते विजय मांडके व प्रा गौतम काटकर यांनी दिली.

प्रतिसरकारच्या स्थापनेच्या अर्थात शिराळा तालुक्यातील पणुंब्रे या ठिकाणीही अभिवादनाचा विशेष कार्यक्रम आयोजित केला आहे. त्याचप्रमाणे सांगली, ज सातारा, कोल्हापूर, सोलापूर, पुणे, अहिल्यानगर, राहुरी, नंदुरबार, पालघर, मुंबई, नागपूर, इस्लामपूर, विटा यांच्या ठिकाणीही क्रांतिसिंह नाना पाटील यांच्या शतकोत्तर रौप्य महोत्सवी वर्षानिमित्ताची सुरुवात म्हणून विविध कार्यक्रम आयोजित करण्यात आलेले आहेत.

सत्यशोधक महात्मा फुले एआणि सत्याग्रही महात्मा गांधी यांचे सच्चे अनुयायी, क्रांतिसिंह म्हणून देशभर प्रसिद्धी. शेतकरयांचे व कष्टकर्‍यांचे राज्य व्हावे म्हणून स्वातंत्र्यानंतरही आयुष्याच्या अखेरपर्यंत झुंजलेला त्यागी, असामान्य देशभक्त. माळकरी मार्क्सवादी असे क्रांतीसिंहांना ओळखले जाते ते सार्थच आहे.

अव्वल दर्जाचे समाज परिवर्तक, पहाडी वक्ते, सातारच्या प्रतिसरकारचे प्रेरणादायी नेते, ग्रामीण जनतेत समाजवादाचे स्वप्न पेरणारे प्रवक्ते, संसदेमध्ये शेतीमालाच्या दराबाबत मराठी भाषेत पहिली तोफ डागणारे संसदपटू, श्रमिकांचे कैवारी, डॉ. बाबासाहेब आंबेडकरांच्या परिवर्तनाच्या चळवळीचे प्रबल समर्थक, मार्क्सवादाचे मराठमोळे भाष्यकार, समाज संघटन आणि प्रबोधन करणारे उच्च कोटीचे सत्यशोधक, संत संस्कृतीचे दर्शनकार, कष्टकर्‍यांच्या राज्याच्या स्वप्नाचे शिल्पकार, महाराष्ट्रात जन्मलेले भारताचे महापुरुष *क्रांतिसिंह नाना पाटील यांच्या शतकोत्तर रौप्य महोत्सवी वर्षानिमित्त वर्षभर विविध कार्यक्रम विद्रोही सांस्कृतिक चळवळीच्या वतीने महाराष्ट्रभर आयोजित केले जाणारा असून या कार्यक्रमांमध्ये पुरोगामी समविचारी संघटना व कार्यकर्ते यांनाही सामावून घेतले जाणार आहे असे विद्रोही सांस्कृतिक चळवळ महाराष्ट्राचे अध्यक्ष कॉम्रेड धनाजी गुरव व सरचिटणीस डॉ जालिंदर घीगे यांनी सांगितले.

सातारा येथे प्रा. डॉ. भास्करराव कदम यांचे व्याख्यान

सातारा येथेही सुटा या प्राध्यापक संघटनेच्या सभागृहात छत्रपती शिवाजी महाविद्यालय सातारचे इतिहासाचे सेवानिवृत्त प्रा. डॉ. भास्करराव कदम यांचे क्रांतिसिंह नाना पाटील यांचे स्वातंत्र्यपूर्व व स्वातंत्र्योत्तर काळातील योगदान या विषयावर व्याख्यान होणार आहे. सिटू चे नेते कॉ एडवोकेट वसंतराव नलावडे हे अध्यक्षस्थान भूषवणार आहेत. हा कार्यक्रम रविवार दि 3 ऑगस्ट रोजी दुपारी तीन वाजता होणार आहे अशी माहिती शुभम ढाले, संकेत माने, संकेत जाधव, अमित कांबळे, रश्मी लोटेकर व स्वप्नाली भोसले यांनी दिली.

सातारा येथील कार्यक्रमात सम्यक विद्रोहीच्या क्रांतिसिंह नाना पाटील विशेषांकाचेही प्रकाशन मान्यवरांच्या हस्ते होणार आहे.