सातारा : शहर परिसरात राहणाऱ्या महिला वकिलाला मारहाण करत तिचा विनयभंग केल्याची घटना दि. ४ रोजी दुपारी अडीच वाजण्याच्या सुमारास घडली आहे. याप्रकरणी तुषार ज्ञानेश्वर तरडे (रा. बामनोली तर्फ कुडाळ,ता. जावली) याच्या विरोधात सातारा शहर पोलीस ठाण्यात विनयभंगाचा गुन्हा दाखल करण्यात आला आहे. 

पोलिसांनी दिलेली माहिती अशी, फिर्यादी २५ वर्षीय महिला वकील यांच्यासमवेत त्यांची बहिणी राहत आहे. बहिणीचे पती तुषार तरडे हे तिला परत घरी घेऊन जाण्यासाठी आले असताना तिने जाण्यास नकार दिला यावरून त्यांनी बहिणीला मारहाण केली त्यांचे भांडण सोडवण्याचा प्रयत्न करत असताना महिला वकील यांनी मध्यस्थी केली. यावेळी तरडे यांनी फिर्यादी वकील महिलेला घराबाहेर ओढून बेदम मारहाण केली व धक्काबुक्की करून मनासं लज्जा उत्पन्न होईल असे विधान केले. यावरून फिर्यादी महिला वकिलाने सातारा शहर पोलीस ठाण्यात विनयभंगाचा गुन्हा दाखल केला आहे. अधिक तपास पोलीस हवालदार सूर्यवंशी करत आहेत.