मुंबई : राज्य निवडणूक आयुक्तपदासाठी नावांची शिफारस करण्याचे अधिकार राज्य मंत्रिमंडळाने एकमताने आता मुख्यमंत्री देवेंद्र फडणवीस यांना दिले आहेत. गुरुवारी झालेल्या मंत्रिमंडळाच्या बैठकीत या प्रस्तावाला मंजुरी देण्यात आली. नागरी निवडणुकांबाबत सुरू असलेल्या गदारोळात राज्य निवडणूक आयुक्तांच्या नियुक्तीबाबत सरकारमधील गदारोळही तीव्र झाला आहे.
यूपीएस मदान हे राज्याचे निवडणूक आयुक्त होते. गेल्या वर्षी सप्टेंबरमध्ये ते निवृत्त झाले. तेव्हापासून हे पद रिक्त आहे. तीन-चार महिन्यांत स्थानिक स्वराज्य संस्थांच्या निवडणुका होऊ शकतात, असे संकेत मुख्यमंत्री फडणवीस यांनी दिले आहेत. त्यामुळे नव्या निवडणूक आयुक्तांचा शोध सुरू झाला आहे.
निवडणूक आयुक्त निवडण्याचे सर्व अधिकार मुख्यमंत्री फडणवीस यांना देण्याचा निर्णय राज्य मंत्रिमंडळाने घेतला आहे. दरम्यान, राज्य निवडणूक आयुक्तांची नियुक्ती राज्यपाल करतात. पण, आता या आयुक्तपदासाठी कोण असेल याच्या नावाची शिफारस करण्याचा अधिकार मुख्यमंत्र्यांना मिळाला आहे.
