सातारा : वाहतूक कार्यालय परिसरातच तिघांनी शासकीय कामात अडथळा आणत वाहतुक पोलिसाला धक्काबुक्की केली. ही घटना दि. 29 ऑक्टोबर रोजी रात्री 11 वाजण्याच्या सुमारास घडली आहे. प्रज्योत पवार, तेजस बर्गे, मिसार खान (तिघे रा. क्षेत्रमाहुली, चंदननगर, सातारा) यांच्या विरुध्द वाहतुक पोलीस देवानंद बर्गे यांनी सातारा शहर पोलीस ठाण्यात तक्रार दिली आहे. याबाबत अधिक माहिती अशी, संशयित तिघेजण दगड घेवून वाहतुक कार्यालय परिसरात आले होते. रात्रपाळी कर्तव्यावर असलेल्या पोलिसाने त्यांना हटकले असता ते पोलिसाच्या अंगावर धावून गेले. धक्काबुक्की करत जिवंत सोडणार नाही, अशी धमकी दिली.