सातारा : शहरातील गुरुवार पेठ परिसरात दुकानासमोर पार्क केलेली सुमारे २० हजार रुपये किमतीची दुचाकी अज्ञात चोरट्याने चोरून नेल्याची घटना दि. २२ जुलै रोजी रात्री दीड ते अडीच वाजण्याच्या सुमारास घडली.
याबाबत प्रवीण राजेश चव्हाण (वय ३१, रा. भिमाबाई आंबेडकर नगर, सातारा) यांनी सातारा शहर पोलीस ठाण्यात दि. २७ सप्टेंबर रोजी फिर्याद दाखल केली आहे.
फिर्यादी यांनी त्यांची दुचाकी गुरुवार पेठ येथे दुकानासमोर पार्क केली होती. यावेळी अज्ञात चोरट्याने मुद्दाम लबाडीने व फिर्यादी यांच्या परवानगीशिवाय दुचाकी चोरून नेली. या दुचाकीची किंमत सुमारे २० हजार रुपये आहे. याप्रकरणी अज्ञात चोरट्याविरुद्ध सातारा शहर पोलीस ठाण्यात गुन्हा दाखल करण्यात आला असून, अधिक तपास पोलीस नाईक यादव करीत आहेत.