सातारा : विवाहितेचा जाचहाट करुन तिला मारहाण केल्याप्रकरणी पती व एका महिलेवर  सातारा शहर पोलीस ठाण्यात गुन्हा दाखल झाला आहे.

याबाबत पोलिसांनी दिलेली माहिती अशी, रमेश शंकर जाधव व एका महिलेविरुध्द सौ.सावित्री रमेश जाधव (दोघे मूळ रा. विजापूर, सध्या रा. गोडोली, सातारा) यांनी तक्रार दिली आहे. पतीने लग्नानंतर 4 तोळे स्त्री धन व 30 हजार रुपये रोख जबरदस्तीने काढून घेतले. तसेच माहेरहून आणखी पैसे आण असे म्हणत जाचहाट केला. संशयित रमेश जाधव व त्याच्यासोबत अन्य एका महिलेने जिवे मारण्याची धमकी दिली असल्याचे तक्रारीत म्हटले आहे.