बॉलिवूडच्या सुपरहिट कॉमेडी फ्रँचायझी ‘हाऊसफुल’चा पाचवा भाग म्हणजेच ‘हाऊसफुल ५’ हा या वर्षातील सर्वाधिक चर्चेत असलेल्या चित्रपटांपैकी एक आहे. अक्षय कुमारच्या या चित्रपटाची चाहते आतुरतेने वाट पाहत आहेत. आता लोकांची ही प्रतीक्षा संपणार आहे. सेंट्रल बोर्ड ऑफ फिल्म सर्टिफिकेशन (CBFC) ने चित्रपटाच्या टीझरला मान्यता दिली आहे.

टीझरला मिळाली मंजुरी 

सीबीएफसी वेबसाइटनुसार, ‘हाऊसफुल ५’ चा टीझर २८ एप्रिल २०२५ रोजी प्रदर्शित झाला आहे. या टीझरची लांबी एक मिनिट १९ सेकंद आहे. त्याला U/A १६+ रेटिंग दिले आहे. याचा अर्थ असा की १६ वर्षांखालील मुलांनी पालकांच्या देखरेखीखाली हा चित्रपट पाहिला पाहिजे. हा टीझर लवकरच प्रेक्षकांसमोर येणार आहे प्रेक्षकांना चित्रपटाची पहिली झलक पाहायला मिळणार आहे. हा टीझर पाहण्यासाठी चाहते खूप उत्सुक आहेत.

चित्रपटात दिसणार या कलाकारांची भूमिका 

‘हाऊसफुल ५’ हा चित्रपट स्टार्सनी भरलेला आहे. यावेळी अक्षय कुमारसोबत संजय दत्त, अभिषेक बच्चन, रितेश देशमुख, फरदीन खान, जॅकलीन फर्नांडिस, सोनम बाजवा, नर्गिस फाखरी, दिनो मोरिया, जॅकी श्रॉफ, नाना पाटेकर, चित्रांगदा सिंग, सौंदर्या शर्मा, श्रेयस तळपाडे, जॉनी पनके, फरदेन, जॅकलीन यांसारखे कलाकार होते. या चित्रपटात रणजीत आणि आकाशदीप साबीर दिसणार आहेत. इतके स्टार्स एकत्र पाहणे चाहत्यांसाठी एखाद्या मेजवानीपेक्षा कमी नसेल. हा चित्रपट पाहण्यासाठी चाहते खूप उत्साही आहेत.

यावेळी कथा एका क्रूझवर आधारित असेल 

यावेळी ‘हाऊसफुल ५’ ची कथा एका क्रूझभोवती गुंफलेली आहे. बॉलीवूड हंगामाच्या वृत्तानुसार, हा चित्रपट एक मर्डर मिस्ट्री असेल. कथेतील बहुतेक पात्र संशयित असतील, तर दोन कलाकार पोलिस अधिकाऱ्यांच्या भूमिकेत दिसणार आहे. हा नवा ट्विस्ट प्रेक्षकांना फक्त हसवणार नाही तर सस्पेन्सचा टच देखील पाहायला मिळणार आहे. या चित्रपटाचे दिग्दर्शन तरुण मनसुखानी यांनी केले आहे. तर, साजिद नाडियाडवाला हे त्याचे निर्माते आहेत. हा चित्रपट ६ जून २०२५ रोजी थिएटरमध्ये प्रदर्शित होणार आहे.