सातारा : सातारा तालुका हद्दीत एक बेवारस मृतदेह सापडला असून त्याबाबतची ओळख पटवण्याचे आवाहन सातारा तालुका पोलिसांनी केले आहे.
याबाबत पोलिसांनी दिलेली माहिती अशी, दिनांक 4 जुलै रोजी मध्यरात्रीच्या सुमारास वर्ये, ता. सातारा गावच्या हद्दीतील हॉटेल मानस व हॉटेल जगदंब नजीक असलेल्या सर्व्हिस रोडवर साचलेल्या पाण्यात अनोळखी पुरुष जातीचे अंदाजे 50 वर्षे वयाच्या इसमाचा मृतदेह आढळून आला आहे. मृतदेहाच्या अंगावर शर्ट नसून काळ्या रंगाची पॅन्ट, काळी पांढरी मिशी व दाढी आहे. संबंधित इसमाबाबत कोणास काही माहिती असल्यास त्याबाबत सातारा तालुका पोलीस ठाण्याशी संपर्क साधण्याचे आवाहन, सातारा तालुका पोलीस ठाण्याचे सहाय्यक पोलीस निरीक्षक ए. एस. मोरडे यांनी केले आहे.