आजकाल, बॉलिवूड अभिनेता अक्षय कुमार त्याच्या आगामी हॉरर-कॉमेडी चित्रपटाची तयारी करत आहे. चित्रपटाचे शूटिंग सुरु झाली असून, चित्रपटाबाबत नवनवीन बातमी समोर येत असते. वामिका गब्बी या अभिनेत्रीची या चित्रपटामध्ये एन्ट्री झाल्यानंतर आता आणखी एक आनंदाची बातमी समोर आली आहे. या चित्रपटामध्ये एका बॉलिवूड अभिनेत्रीची एन्ट्री झाली आहे. मीडिया रिपोर्ट्सनुसार, तब्बू दिग्दर्शक प्रियदर्शनच्या आगामी ‘भूत बंगला’ चित्रपटात अक्षय कुमारसोबत धुमाकूळ घालताना दिसणार आहे. असे झाले तर तब्बू जवळपास 13 वर्षांनी अक्षय कुमार आणि प्रियदर्शनसोबत या चित्रपटात काम करणार आहे. याआधी दोघांनी 2000 मध्ये ‘हेरा फेरी’ या चित्रपटात एकत्र काम केले होते.

मीडिया रिपोर्ट्सनुसार, या चित्रपटामध्ये प्रसिद्ध अभिनेत्री तब्बू सहभागी होणार आहे. हॉरर-कॉमेडी चित्रपटात मअभिनेत्री महत्त्वाची भूमिका साकारताना दिसणार आहे. तब्बूला तिचे पात्र आणि चित्रपटातील स्क्रिप्ट दोन्ही आवडले. तब्बू या चित्रपटासाठी खूप उत्सुक आहे. ‘भूत बंगला’ हा चित्रपट 2026 मध्ये रिलीज होणार आहे. मीडिया रिपोर्ट्सनुसार, अक्षय कुमार व्यतिरिक्त चित्रपटात तब्बू, परेश रावल, वामिका गब्बी, राजपाल यादव आणि असरानी प्रेक्षकांचं मनोरंजन करणार आहेत. ‘भूत बंगला’ चित्रपटाचे शूटिंग सुरु झाले आहे. या चित्रपटाचे शूटिंग एप्रिल २०२५ पर्यंत संपण्याची शक्यता आहे.

अक्षय कुमारने यापूर्वी ‘भूत बंगला’ चित्रपटाच्या शूटिंगबाबत माहिती दिली होती. यासोबतच अक्षयने चित्रपटाच्या प्रदर्शनाची तारीखही जाहीर केली. अक्षयने चित्रपटाच्या पोस्टरसोबत चित्रपटाची रिलीज डेट 2 एप्रिल 2026 देखील उघड केली होती. ‘भूत बंगला’ चित्रपटाचे आतापर्यंत दोन पोस्टर समोर आले आहेत. भूत बांगलाच्या दुसऱ्या पोस्टरमध्ये अक्षय गेटकीपरप्रमाणे हातात कंदील धरलेला दिसत होता. तर चित्रपटाच्या पहिल्या पोस्टरमध्ये अक्षय निळ्या रंगाचा सूट-पांढरा शर्ट आणि लाल टायमध्ये, हातात दुधाची वाटी धरून दूध चाटताना दिसत होता. त्याच्या शेजारी एक खतरनाक मांजरही दिसली. या चित्रपटाच्या पोस्टरनेच चित्रपट पाहण्याची आतुरता वाढवली आहे.

 ‘भूत बंगला’ चित्रपटापूर्वी अक्षयने प्रियदर्शनसोबत अनेक चित्रपटांमध्ये काम केले होते. या यादीत भागम भाग, भूल भुलैया, दे दना दन, हेरा फेरी यांचा समावेश आहे. ‘भूत बंगला’ हा चित्रपट प्रियदर्शन दिग्दर्शित करत आहे आणि शोभा कपूर, एकता कपूर आणि अक्षय कुमार निर्मित केप ऑफ गुड फिल्म्स या प्रॉडक्शन हाऊस अंतर्गत करत आहेत. चित्रपटाची कथा आकाश ए कोशिक यांनी लिहिली आहे. या चित्रपटाचे संवाद रोहन शंकर यांनी लिहिले आहेत.तसेच हा छोत्रपट नव्या वर्षी प्रेक्षकांच भरपूर मनोरंजन करण्यासाठी सज्ज आहे.