यशराज फिल्म्सच्या बॅनरखाली बनवण्यात आलेल्या शाहरुख खान आणि काजोलच्या  'दिलवाले दुल्हनिया ले जायेंगे' या ऑलटाईम ब्लॉकबस्टर  चित्रपटाच्या नावावर आणखी एक कामगिरी जोडली जाणार आहे. डीडीएलजे आता लंडनमधील लेस्टर स्क्वेअरमध्ये स्टॅच्यू बसवणारा पहिला भारतीय चित्रपट बनणार आहे. चित्रपटातील एका दृश्यातील शाहरुख आणि काजोलचा स्टॅच्यू 'सीन्स इन द स्क्वेअर' मध्ये बसवला जाईल. हार्ट ऑफ लंडन बिझनेस अलायन्सनं यासंदर्भात घोषणा केली. लेस्टर स्क्वेअरमधील 'सीन्स इन द स्क्वेअर' चित्रपटाच्या ट्रेलमध्ये आता डीडीएलजेच्या रूपात एक नवा पुतळा असेल. यामुळे हिंदी चित्रपटसृष्टीतील या सर्वकालीन ब्लॉकबस्टर चित्रपटाच्या 30 वर्षांच्या उत्सवाची सुरुवात होईल.

हार्ट ऑफ लंडन बिझनेस अलायन्सनं जाहीर केलं की लीसेस्टर स्क्वेअरमधील 'सीन्स इन द स्क्वेअर' या चित्रपट ट्रेलमध्ये आता एक नवीन मूर्ती सामील होणार आहे आणि ती आहे यशराज फिल्म्सच्या ऐतिहासिक ब्लॉकबस्टर दिलवाले दुल्हनिया ले जायेंगे (DDLJ) ची. ही लंडनच्या लीसेस्टर स्क्वेअरमध्ये उभारली जाणारी पहिली भारतीय चित्रपट मूर्ती ठरेल. याचबरोबर DDLJ च्या 30 व्या वर्धापन दिनाच्या उत्सवाचीही सुरुवात होईल, हा चित्रपट एक अजरामर आणि पुरस्कारप्राप्त रोमँटिक कॉमेडी आहे, ज्यानं आदित्य चोप्रा यांचा दिग्दर्शक म्हणून डेब्यू केला होता.

ही कांस्य मूर्ती बॉलिवूडचे दोन सुपरस्टार, शाहरुख खान आणि काजोल यांना DDLJ मधील प्रसिद्ध पोजमध्ये दाखवेल. या वर्षीच्या वसंत ऋतूमध्ये या पुतळ्याचं अनावरण होणार आहे. ब्रिटनमधील 50 लाखांहून अधिक दक्षिण आशियाई समुदाय DDLJ या चित्रपटावर किती प्रेम करतो, हे या घोषणेतून सिद्ध होतंय. हा चित्रपट भारत आणि जागतिक दक्षिण आशियाई समाजासाठी एक पॉप-संस्कृतीचा महत्त्वाचा टप्पा आहे.

DDLJ मध्ये राज आणि सिमरन या दोन एनआरआयची कथा आहे, जी युरोप आणि भारताभोवती फिरते, आणि जी किंग्स क्रॉस स्टेशन येथून सुरू होते. विशेष बाब म्हणजे, लीसेस्टर स्क्वेअरचा भाग DDLJ मधील एका दृश्यात दिसतो, जिथे राज आणि सिमरन पहिल्यांदा (अनभिज्ञपणे) भेटतात. या दृश्यात स्क्वेअरमधील दोन प्रमुख सिनेमागृह दिसतात, राज Vue सिनेमा समोर आहे, आणि सिमरन Odeon स्क्वेअरच्या पुढे चालत आहे.

हा नवा पुतळा Odeon सिनेमा बाहेरील पूर्व टेरेसवर बसवला जाईल, त्या दृश्याच्या सन्मानार्थ. चित्रपटात लंडनमधील इतर ठिकाणं - Horseguards Avenue, Hyde Park, Tower Bridge, आणि King’s Cross Station देखील दाखवण्यात आली आहेत.

या चित्रपटाचा भारतीय चित्रपटसृष्टीवर मोठा प्रभाव पडला आहे, इतका की अमेरिकेचे तत्कालीन राष्ट्राध्यक्ष बराक ओबामा यांनी भारत भेटीदरम्यान DDLJ चा उल्लेख केला होता. यूकेमध्ये या चित्रपटाचे सांस्कृतिक महत्त्व आजही कायम आहे. याच चित्रपटावर आधारित Come Fall In Love – The DDLJ Musical हे नवीन संगीत नाटक 29 मे 2025 पासून मॅंचेस्टर ओपेरा हाऊसमध्ये सुरू होणार आहे. 140 दशलक्षांहून अधिक सोशल मीडिया फॉलोअर्स असलेले शाहरुख खान हे आजच्या काळातील सर्वात प्रिय अभिनेता आहेत.

DDLJ मधील शाहरुख खान आणि काजोल आता 'सीन्स इन द स्क्वायर'मध्ये आंतरराष्ट्रीय सिनेमा क्षेत्रातील दिग्गजांसोबत समाविष्ट होणार आहेत - मागील 100 वर्षांतील 10 अन्य आयकॉनिक पात्रांमध्ये हैरी पॉटर, लॉरेल और हार्डी, बग्स बनी, जीन केली (सिंगिंग इन रेन), मैरी पॉपिंस, मिस्टर बीन, पैडिंग्टन आणि DC सुपरहीरोज बैटमैन आणि वंडर वीमेन यांचा समावेश आहे.

हार्ट ऑफ लंडन बिझनेस अलायन्स चे उपमुख्य कार्यकारी अधिकारी मार्क विल्यम्स म्हणाले की, "शाहरुख खान आणि काजोल या आंतरराष्ट्रीय चित्रपटजगतातील दिग्गजांना आमच्या ट्रेलमध्ये समाविष्ट करणे हा एक सन्मान आहे. DDLJ ही सर्वाधिक यशस्वी आणि महत्त्वपूर्ण बॉलिवूड चित्रपटांपैकी एक आहे. ही प्रतिमा केवळ बॉलिवूडच्या जागतिक लोकप्रियतेचे प्रतीक नाही, तर लंडनच्या सांस्कृतिक विविधतेचा उत्सवही आहे. आम्हाला खात्री आहे की जगभरातून चाहते लीसेस्टर स्क्वेअरमध्ये भेट देतील, जे चित्रपट आणि मनोरंजनाचे केंद्र आहे."

यशराज फिल्म्स चे सीईओ अक्षय विधानी म्हणाले की,"जेव्हा दिलवाले दुल्हनिया ले जायेंगे (DDLJ) 30 वर्षांपूर्वी प्रदर्शित झाला, तेव्हा त्यानं भारतीय चित्रपटसृष्टीत क्रांती घडवली आणि प्रेक्षकांच्या मनात जागा निर्माण केली. ही 'Scenes in the Square' मध्ये समाविष्ट होणारी पहिली भारतीय फिल्म ठरते, याचा आम्हाला खूप अभिमान आहे. हा पुतळा DDLJ च्या 30 वर्षांच्या प्रवासाचा गौरव आहे आणि युकेमध्ये या चित्रपटाने साधलेला सांस्कृतिक प्रभाव अधोरेखित करतो. हा पुतळा भारतीय चित्रपटांचे आंतरराष्ट्रीय आकर्षण दर्शवतो आणि सिनेमा माध्यमातून समुदायांमध्ये मैत्री निर्माण करण्याचा प्रयत्न करतो."