सातारा : दोन वेगवेगळ्या घटनांमध्ये दोन जणांचे अपहरण झाल्याच्या फिर्यादी सातारा शहर तालुका पोलीस ठाण्यात नोंदविण्यात आल्या आहेत.
याबाबत पोलिसांनी दिलेली माहिती अशी, दि. 16 रोजी सकाळी दहा वाजण्याच्या सुमारास सिद्दिक सिकंदर बागवान (रा. म्हसवे, ता. सातारा) या युवकाचे राहत्या घरातून अज्ञाताने अपहरण केल्याची फिर्याद सातारा तालुका पोलीस ठाण्यात नोंदविण्यात आली आहे. पुढील तपास सहाय्यक फौजदार यु. बी. माने करीत आहेत.
दुसऱ्या घटनेत, किरण सुरेश सावंत (रा. गुलमोहर सोसायटी, शाहूपुरी, सातारा) यांचे अज्ञाताने अपहरण केल्याची फिर्याद सातारा शहर पोलीस ठाण्यात नोंदविण्यात आली आहे. पुढील तपास महिला पोलीस हवालदार पवार करीत आहेत.