सातारा : पोवई नाका ते गोडोली यादरम्यान चार चाकी वाहन बेदरकारपणे चालवून पादचाऱ्यांच्या जीवास धोका निर्माण करणाऱ्या गोडोली येथील ऋषिकेश जगताप यांच्या विरोधात सातारा शहर पोलीस ठाण्यामध्ये गुन्हा नोंद करण्यात आला आहे. पोलीस हवालदार गणेश जाधव यांनी याप्रकरणी फिर्याद दिली आहे. पोलीस सूत्रांच्या माहितीनुसार जगदंब चौक कामठीपुरा ते शाहूनगर यादरम्यानच्या सार्वजनिक रस्त्यावर ऋषिकेश याने त्याच्या ताब्यातील थार गाडी बेदरकारपणे चालवून रस्त्याच्या वाहतुकीला धोका उत्पन्न केला म्हणून त्याच्यावर गुन्हा नोंद झाला आहे पोलीस हवालदार पोळ अधिक तपास करत आहेत.