सातारा : शाहूपुरीतील पंजाब नॅशनल बँकेसमोरील सार्वजनिक रस्त्यावर विनापरवानगी राखीचे स्टॉल लावून वाहतुकीस अडथळा निर्माण केल्याप्रकरणी पोलिसांनी तिघांवर स्वतंत्र गुन्हे दाखल केले.

याबाबत पोलिसांनी दिलेली माहिती अशी, अक्षय अंकुश घोरपडे, आकाश मच्छिंद्र गायकवाड आणि संतोष सदाशिव पवार यांनी रस्त्यावर राखी स्टॉल उभारल्याचे पोलिसांनी सांगितले. अडथळा दूर करण्यास सांगूनही संबंधितांनी नकार देत गोंधळ केल्याचा आरोप आहे. पोलिसांच्या फिर्यादीवरून तिघांविरोधात कारवाई करण्यात आली असून, संबंधित प्रकरणांचा तपास पोलीस कर्मचारी करीत आहेत.