सातारा : सुमारे दहा लाखांच्या फसवणूक प्रकरणी अज्ञातावर सातारा शहर पोलीस ठाण्यात गुन्हा दाखल करण्यात आला आहे.
याबाबत पोलिसांनी दिलेली माहिती अशी, दि. 16 मे रोजी सकाळी अकरा वाजण्याच्या सुमारास प्रणती उमेश पटवर्धन रा. शाहूनगर, सातारा यांना अज्ञात इसमाने फोन करून पटवर्धन यांच्या बँकेचा ॲक्सेस घेऊन बँक खात्यात असलेल्या प्री एप्रूव्हड लोन फॅसिलिटी मधून पटवर्धन यांच्या खात्यावर दहा लाख रुपये लोन मंजूर करून घेऊन हे पैसे चुकून आले असल्याचे खोटे सांगून ते पैसे स्वतःच्या खात्यावर घेतले आहेत. अशाप्रकारे त्याने पटवर्धन यांची नऊ लाख 90 हजार रुपयांची फसवणूक केली आहे. अधिक तपास पोलीस उपनिरीक्षक सावंजी करीत आहेत.