सातारा  : सातारा शहर परिसरात अल्पवयीन मुलीचा विनयभंग केल्याप्रकरणी एका युवकावर विनयभंगासह पोक्सोचा गुन्हा दाखल करण्यात आला आहे.

याबाबत पोलिसांनी दिलेली माहिती अशी, लक्ष्मी टेकडी परिसरात राहणाऱ्या संशयित आरोपी अक्षय कडाळे याने अल्पवयीन मुलीला रस्त्यात अडवून तिचा उजवा हात धरून माझ्यावर प्रेम आहे का नाही ते सांग.असे म्हणून तिच्या मनात लज्जा उत्पन्न होईल असे कृत्य केले, यावेळी मुलीच्या आत्याने आमच्या मुलीला का त्रास देतो अशी विचारणा केली असता अक्षय याने आत्या व तिच्या दोन्ही मुलांना आणि चुलत्याला हाताने मारहाण करून शिवीगाळ दमदाटी केली. तसेच पीडितेला माझ्याबरोबर राहिली नाहीस तर मी जीवाचे बरे वाईट करून घेईन व माझ्याकडे असलेले तुझे फोटो वायरल करीन अशी धमकी दिली. याप्रकरणी १६ वर्षीय पीडितेने फिर्याद दिली आहे. अधिक तपास पोलीस उपनिरीक्षक राठोड करत आहेत.