सातारा : शिवथर येथे शेतजमिनीच्या कारणावरून झालेल्या वादात एका महिलेला शिवीगाळ व दमदाटी केल्याची घटना समोर आली आहे. याप्रकरणी एका व्यक्तीविरुद्ध गुन्हा नोंद करण्यात आला आहे.

पोलीसांनी दिलेल्या माहितीनुसार, शिवथर येथील गट क्रमांक १२२२/२ व १२२३ मध्ये ही घटना घडली. तक्रारदार व विरोधक यांची शेतजमीन लागून असल्याने वाद निर्माण झाला. या वादातून विरोधकाने तक्रारदार रूपाली अनिल पोळ (वय ४२, रा. आसगाव, ता.  सातारा) यांना शिवीगाळ व दमदाटी केल्याचे तक्रारीत नमूद आहे.

या प्रकरणी शाहिद शहाबुद्दीन इनामदार (रा. शिवथर, ता. जि. सातारा) याच्याविरुद्ध गुन्हा दाखल करण्यात आला असून पुढील तपास पोलीस हवालदार गोरे करत आहेत.