सातारा  : सातारा तालुक्यात अवैध दारूविक्री करणाऱ्यांविरोधात पोलिसांनी कारवाईचा बडगा उगारला आहे. देगाव (ता. सातारा) येथे बेकायदा दारू विक्री करताना एका व्यक्तीस पोलिसांनी रंगेहाथ पकडले.

या प्रकरणी सुनील लक्षण माने (वय ३९, रा. देगाव, ता. सातारा) याच्याविरुद्ध सातारा तालुका पोलिस ठाण्यात गुन्हा दाखल करण्यात आला आहे. पोलिसांनी आरोपीकडून ९२० रुपये किंमतीच्या दारूच्या बाटल्या जप्त केल्या आहेत. अवैध दारूविक्रीमुळे सामाजिक समस्या वाढत असून अशा कारवायांमुळे गावागावात पोलिसांची दहशत निर्माण होईल, अशी अपेक्षा व्यक्त केली जात आहे.