सातारा : हिंदी भाषेची सक्ती कोणत्याही शाळांमध्ये करण्यात येवू नये, यासाठी महाराष्ट्र नवनिर्माण सेनेचे अध्यक्ष राज ठाकरे यांनी पत्र दिले आहे. हे सातारा शहरातील विविध विद्यालयांना महाराष्ट्र नवनिर्माण सेना सातारा शाखेच्यावतीने शहराध्यक्ष राहुल पवार व पदाधिकाऱ्यांनी दिले.

महाराष्ट्र नवनिर्माण सेनेचे अध्यक्ष राज ठाकरे यांच्या आदेशाने सातारा शहरातील रयत शिक्षण संस्थेचे महाराजा सयाजीराव विद्यालय, महर्षी कर्वे शिक्षण संस्थेचे कन्या शाळा तसेच आनंद इंग्लिश स्कूल या विविध विद्यालयातील मुख्याध्यापकांना राज ठाकरे यांनी हिंदी सक्तीच्या संदर्भात दिलेले पत्र पोहोच करण्यात आले व संबंधित मुख्याध्यापकांना विनंती करून आपण विद्यार्थ्यांवर हिंदीची सक्ती करू नये, अशी विनंती सातारा शहर अध्यक्ष राहुल पवार यांचे कडून करण्यात आली.

यावेळी मनसेचे शहर उपाध्यक्ष भरत रावळ, आजार शेख, मनसे जनधिकार सेना शहराध्यक्ष संदीप दुढले, ओंकार साळुंखे, इमरान शेख, कार्तिक रावळ आदी उपस्थित होते.