सातारा :  साताऱ्यात मल्हारपेठ येथे एका रेशनिंग दुकानात गेलेल्या ७५ वर्षीय आज्जीच्या गळ्यातील सोन्याची चेन गोड बोलून नातवाने चोरली असल्याची फिर्याद सातारा शहर पोलीस ठाण्यात दाखल झाली आहे.

याप्रकरणी यशोदा नामदेव इरळे ( वय ५७ रा. मोळाचा ओढा,सातारा) यांनी नातू रोहित आनंदा इरळे (वय २५) याच्या विरोधात फिर्याद दिली आहे. मल्हारपेठ येथील एका रेशनिंगच्या दुकानात त्या गेल्या असता तेथे त्यांचा नातू आला. त्याने आज्जीशी गोड बोलून गळ्यातील ७५ हजार रुपये किमतीची सोन्याची चेन चोरून नेली आहे. अधिक तपास महिला पोलीस हवालदार माने करत आहे.