इराण आणि इस्रायल यांच्या युद्ध सुरु झाले आहे. खरे तर गेल्या वर्षी ऑक्टोबर महिन्यात हमासच्या अतिरेक्यांनी इस्रायलमध्ये अचानक हल्ला करुन झोपलेल्या राक्षसाला जागे गेल्यासारखी त्याची गत झाली आहे. कारण इस्रायलने वर्षभरात हमास विरोधात तसेच गाझापट्टी, लेबनॉन अशा देशात हल्ले करुन 45 हजाराहून अधिक नागरिकांचा नरसंहार केला आहे. मध्य पूर्वेतील या युद्धा दरम्यान रशियाचे राष्ट्राध्यक्ष व्लादीमीर पुतीन आणि इराणचे राष्ट्रपती मसूद पेजेस्कियन यांची भेट होणार आहे. ही भेट तुर्कमेनिस्थान येथे होणार आहे.

इराण आणि इस्रायल यांच्यातील संघर्षादरम्यान रशियाचे राष्ट्राध्यक्ष पुतीन यांची भूमिका मोठी राहीली आहे. इराणने इस्रायलवर रॉकेट हल्ला करण्यापूर्वी रशियाचे राष्ट्राध्यक्ष व्लादीमीर पुतीन यांचा ग्रीन सिग्नल घेतला होता असे म्हटले जात आहे. त्यात आता पुन्हा युद्ध सुरु असताना पुतीन आणि इराणच्या राष्ट्रपती मसूद पेजेस्कियन यांची भेट होणार असल्याने याकडे सर्वांचे लक्ष लागले आहे. पुतीन यांचे परराष्ट्र व्यवहार सहयोगी युरी उशाकोव्ह यांनी याबाबत माहिती देताना सांगितले की तुर्कमेन कविच्या स्मृतीप्रित्यर्थ समारंभ आयोजित केला जात आहे. या सोहळ्याला दोन्ही देशाचे नेते उपस्थित राहणार आहेत. यावेळी दोन्ही नेत्यांची भेट होणार आहे.सध्या युद्धजन्य परिस्थितीत दोघांची भेट महत्वाची मानली जात आहे. या बैठकीत द्विपक्षीय मुद्दे आणि मध्य पूर्वेतील बिघडलेल्या परिस्थितीवर चर्चा होणार असल्याचे म्हटले जात आहे. दुसरीकडे पुतीन यांची इस्रायलचे पंतप्रधान नेतान्याहू यांची नजीकच्या काळात भेट होण्याची कोणतीही शक्यता नसल्याचे म्हटले जात आहे.

मध्य पूर्वेतील युद्धावर व्लादीमीर पुतीन यांची नजर आहे. जेव्हा युक्रेन सोबत युद्ध झाले तेव्हा अमेरिकेसह अनेक युरोपीय देशांनी रशियावर टीका केली होती. या बैठकीनंतर अमेरिकेचे कट्ट्रर विरोधी असलेले पुतीन उघडपणे इराणच्या बाजू घेऊ शकतात असे म्हटले जात आहे. रशियाची इराण सोबत मैत्रीचे संबंध आहेत. तसेच इराणला ड्रोन आणि मिसाईलचा पुरवठा केल्याचा आरोप रशियावर पाश्चात्य जगत नेहमी करत असते. इस्रायलला दुहेरी फटका

इस्रायलला गेल्या काही महिन्यात विविध आघाड्यांवर संघर्ष करावा लागत आहे. हेजबोला आणि हमास यांनी सोमवारी संयुक्तपणे इस्रायलवर हल्ला केला होता. मिसाईल डागल्याने दहा लोक जखमी झाले होते. अनेक वाहने आणि इमारती यात उद्धवस्थ झाल्या आहेत. हा हल्ला इस्रायलवर हमास केलेल्या हल्ल्यास एक वर्षे झाल्यानिमित्ताने करण्यात आला होता. हमासने या हल्ल्यातून हे दाखविले की तो अजूनही इस्रायल विरुध लढू शकत आहे. हेजबोलाने दावा केला की मध्यम पल्ल्याच्या फादी-1 मिसाईलने हायफाच्या दक्षिण भागात इस्रायली सैन्य तळावर हा हल्ला केला गेला. या दरम्यान मिडिया रिपोर्टमध्ये म्हटले की हायफावर दोन मिसाईल डागले केले तर 65 किमी दूर असलेल्या तिबरियास शहरावर पाच रॉकेट डागले गेले.