सातारा : सोलर पॅनलचे नुकसान केल्याप्रकरणी नोकराविरोधात सातारा तालुका पोलीस ठाण्यात गुन्हा नोंद झाला आहे.
पोलिसांत दिलेल्या फिर्यादीनुसार, याप्रकरणी सचिन सुरेश म्हास्कर (रा. मोळाचा ओढा, सैदापूर सातारा. सध्या रा. सदरबझार सातारा) यांनी तक्रार दिली आहे. त्यानुसार हंबीरराव हरी घाडगे (रा. पिंपरी, ता. कोरेगाव) यांच्याविरोधात गुन्हा नोंद झाला आहे. दि. 8 ऑगस्ट रोजी मध्यरात्रीच्या सुमारास हा प्रकार घडला. फिर्यादी म्हास्कर यांच्या गोदामात कामाला असलेल्या संशयित हंबीरराव घाडगे यांनी सोलर पॅनेलचे तसेच सोलरचे फोडून 4 लाख 57 हजार 496 रुपयांचे नुकसान केले. त्यामुळे पोलिसांत गुन्हा नोंद करण्यात आला. अधिक तपास सहाय्यक फौजदार माने करीत आहेत.