निरोगी आणि तंदुरुस्त शरीरासाठी नेहमी आहारात पौष्टिक पदार्थांचे सेवन करणे आवश्यक आहे. पौष्टिक पदार्थांचे सेवन करणे, भरपूर पाणी पिणे, शरीराला आवश्यक असलेली झोप घेणे इत्यादी गोष्टींचे काटेकोर पालन केल्यास कधीच आजारांपण येणार नाही. अनेकदा शरीरातील रक्ताची कमतरता निर्माण होते. शरीरात रक्ताची कमतरता निर्माण झाल्यानंतर आरोग्यासंबंधित अनेक समस्या उद्भवू लागतात. अशावेळी तुम्ही रोजच्या आहारात गूळ आणि भाजलेली चण्याचे सेवन केल्यास शरीरात निर्माण झालेली रक्ताची कमतरता दूर होईल. दोन्ही पदार्थांमध्ये मोठ्या प्रमाणावर पोषक घटक आढळून येतात. शिवाय गुळामध्ये आयर्न, कॅल्शियम, पोटॅशियम, अँटी-ऑक्सिडंट्स, प्रथिने आणि फायबर इत्यादी घटक मोठ्या प्रमाणावर आढळून येतात, ज्यामुळे शरीरातील लोहाची कमतरता दूर होते.

हिवाळ्याच्या दिवसांमध्ये शरीराला उष्णतेची आवश्यकता असते. थंडीमध्ये शरीरात पोषक घटकांची कमतरता निर्माण झाल्यानंतर डॉक्टर सकाळी उठल्यानंतर गूळ आणि चणे खाण्याचा सल्ला देतात. यामुळे शरीराची पचनक्रिया सुधारते, रक्तभिसरण सुरळीत होते, थकवा अशक्तपणा दूर होतो. त्यामुळे आज आम्ही तुम्हाला सकाळी उठल्यानंतर किंवा इतर वेळी गूळ चणे खाल्यामुळे आरोग्याला नेमके काय फायदे होतात, याबद्दल सांगणार आहोत. चला तर जाणून घेऊया.

गूळ चणे खाल्यामुळे शरीराला होणारे फायदे:

सकाळी उठल्यानंतर नियमित गूळ आणि चणे खाल्यास शरीराला ऊर्जा मिळते. शिवाय आरोग्य सुधारण्यास मदत होते. गुळामध्ये नैसर्गिकरित्या साखरेचे प्रमाण आढळून येते. त्यामुळे मधुमेह असलेले रुग्ण सुद्धा गूळ चण्याचे सेवन करू शकता. मूठभर चणे नियमित खाल्याने दिवसभर शरीरात ऊर्जा टिकून राहते आणि कामाचा थकवा दूर होतो. सकाळी उठल्यानंतर नाश्त्याची वेळी गूळ चण्याचे सेवन करावे.

रक्तभिसरण सुधारते:

गूळ चण्याचे सेवन केल्यामुळे शरीराचे रक्तभिसरण सुधारण्यास मदत होते. त्यामुळे रोजच्या रोज गूळ आणि चण्याचे सेवन करावे. रक्तातील हिमोग्लोबिनची पातळी वाढवण्यासाठी आणि रक्तभिसरण सुधारण्यासाठी चणे अतिशय गुणकारी आहेत. नियमित गूळ चणे खाल्यामुळे रक्तदाब संतुलित राहतो, शरीरातील ऑक्सिजनचे प्रमाण सुधारते आणि ताणतणाव जाणवत नाही.

पचनसंस्था सुधारते:

फायबर युक्त चण्यांचे सेवन केल्यामुळे पचनसंबंधित समस्या उद्भवत नाहीत. पचनक्रिया सुरळीत होते. शिवाय गूळ नैसर्गिक एंजाईम्स पचनसंस्थेतील हानिकारक घटक दूर करतो. त्यामुळे नियमित गूळ आणि चण्यांचे सेवन करावे. चणे आणि गूळ खाल्यामुळे गॅस, अपचन, आणि बद्धकोष्ठता इत्यादी समस्या जाणवत नाहीत.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य बदलानुसार वापर करावा.