मुंबई : बॉलिवूड अभिनेता सलमान खान याला बॉलिवूडचा दबंग खान देखील म्हटले जाते. सलमान खानने त्याच्या आतापर्यंतच्या करिअरमध्ये अनेक अभिनेत्रींना आणि अभिनेत्यांना  बॉलिवूडमध्ये लॉन्च केले आहे. सलमान खान याचा अभिनयच नाही तर त्याचे खासगी आयुष्यही चर्चेत राहिले आहे. ऐश्वर्या राय, कतरिना कैफ आणि इतरही बऱ्याच अभिनेत्रींना सलमान खानने डेट केलंय. ऐश्वर्या राय आणि सलमान खानच्या अफेअरची चर्चा सर्वाधिक रंगली. हेच नाही तर सलमान खान आणि ऐश्वर्या राय लग्न करणार असल्याचेही सांगितले जात होते. सध्या ऐश्वर्या राय आणि अभिषेकच्या घटस्फोटाची जोरदार चर्चा ही रंगताना दिसत आहे.

गेल्या काही दिवसांपासून सलमान खान याला लॉरेन्स बिश्नोई याच्याकडून थेट जीवे मारण्याच्या धमक्या या मिळत आहेत. फक्त धमक्याच नाही तर सलमान खानच्या मुंबईतील घरावर काही दिवसांपूर्वीच गोळीबार करण्यात आला. गुजरातमधून आरोपींना पोलिसांनी अटक केले. एका मुलाखतीमध्ये लॉरेन्स बिश्नोईने थेट म्हटले होते की, माझे स्वप्न सलमान खानला मारून टाकणे आहे. 

सततच्या जीवे मारण्याच्या धमक्यांनंतर सलमान खान याच्या सुरक्षेत मोठी वाढ करण्यात आलीये. सलमान खान याच्या सुरक्षेची संपूर्ण जबाबदारी ही त्याचा बॉडीगार्ड असलेल्या शेरावर आहे. 24 तास शेरा हा सलमान खानच्या सुरक्षेसाठी तयार असतो. हेच नाही तर पार्टी असो किंवा एखादे शूटिंग त्यावेळीही शेरा सलमानच्या आसपास दिसतो.

विशेष म्हणजे शेरा जरी सलमान खान याचा बॉडीगार्ड असला तरीही तो खास लाईफ जगतो. नुकताच आता शेराने अत्यंत लग्झरी गाडी खरेदी केलीये. शेराने ब्लॅक रंगाची रेंज रोवर ही गाडी खरेदी केलीये. शेराने खरेदी केलेल्या या गाडीची किंमत तब्बल 1.4 कोटी आहे. या गाडीसोबतचा खास फोटोही त्याने शेअर केलाय.

शेराने गाडीसोबतचा फोटो शेअर करत लिहिले की, देवाच्या आर्शिवादाने आमच्या घरी एका नवीन मेंबरचे स्वागत आहे. लोक आता शेराच्या या फोटोवर मोठ्या प्रमाणात कमेंट करताना दिसत आहेत. अनेकांनी कमेंट करून शेराला शुभेच्छा देखील दिल्या आहेत. शेराची ही पोस्ट सोशल मीडियावर तूफान व्हायरल होताना दिसत आहे.