सातारा : शहरातील सेव्हन स्टार परिसरात निर्धारित वेळेनंतर पान सेंटर सुरू ठेवणाऱ्या दोघांविरोधात शाहूपुरी पोलिसांनी कायदेशीर कारवाई केली आहे.

४ जून रोजी पहाटे दोन वाजण्याच्या सुमारास पोलिसांनी ओम साई पान सेंटरवर तपासणी केली असता दुकान सुरू असल्याचे आढळून आले. संबंधितांकडे उशिरापर्यंत व्यवसाय चालविण्याची अधिकृत परवानगी नसल्याचे स्पष्ट झाल्यानंतर गुन्हा दाखल करण्यात आला.

या प्रकरणी अमोल महादेव चव्हाण (वय २५) आणि एका १८ वर्षीय युवकाविरुद्ध गुन्हा नोंदविण्यात आला असून पुढील तपास पोलीस हवालदार मोहरे करीत आहेत.