सातारा : सातारा जिल्हयातील जावळी तालुक्यामध्ये अवैद्य मद्य विक्री बाबत वारंवार तक्रारी प्राप्त होत असून सबर ठिकाणी राज्य उत्पादन शुल्क, विभागाच्या विविध पथकांनी वेळोवेळी अवैद्य मद्य वाहतुक विक्रीवर कारवाई करुन महाराष्ट्र दारुबंदी अधीनियम १९४९ अन्वये गुन्हे दाखल करुन सराईत गुन्हेगारांविरुद्ध याच अधीनियमाचे कलम ९३ अन्वये चांगल्या वर्तवणुकीचे बंधपत्र घेण्याबाबत मा. उप विभागीय अधीकारी यांचेकडे वेळोवेळी प्रस्ताव सादर केलेले आहेत. तसेच जावळी तालुका व संपूर्ण सातारा जिल्हयामध्ये कोणत्याही ठिकाणी अवैद्य मद्य निर्मिती, वाहतुक, विक्री होत असल्याचे निर्दशनास आल्यास त्याबाबत राज्य उत्पादन शुल्क विभागाचे टोल फ्री क्रमांक १८००२३३९९९९ व्हाटसअप क्रमांक ८४२२००११३३ वर संपर्क साधून तक्रार नोंदवावी तक्रारदाराचे नाव गोपनीय ठेवण्यात येईल याची नोंद घ्यावी. असे आवाहन अधीक्षक, राज्य उत्पादन शुल्क, सातारा यांनी केले आहे.