नवी दिल्‍ली : उपमुख्यमंत्री अजित पवार यांचे आज (दि. २८) सकाळी विमान अपघातात निधन झाले. या आकस्मिक घटनेने संपूर्ण महाराष्ट्र सुन्न झाला आहे. देशभरातून प्रमुख राजकीय नेते या घटनेवर हळहळ व्यक्त करत आहेत. लोकसभा विरोधी पक्षनेते राहुल गांधी यांनी 'एक्स' पोस्टवर अजित पवारांच्या निधनावर तीव्र दु:ख व्यक्त केले आहे.

शोकसागरात मी महाराष्ट्रातील जनतेच्या सोबत...

राहुल गांधी यांनी आपल्या एक्स पोस्टमध्ये म्हटलं आहे की, "महाराष्ट्राचे उपमुख्यमंत्री श्री. अजित पवारजी आणि त्यांच्या सहकाऱ्यांचे आज विमान अपघातात निधन झाल्याचे वृत्त अत्यंत वेदनादायी आहे. या शोकसागरात मी महाराष्ट्रातील जनतेच्या सोबत आहे. संपूर्ण पवार कुटुंब आणि त्यांच्या प्रियजनांप्रती या दु:खाच्या प्रसंगी मी माझ्या संवेदना व्यक्त करतो."