सातारा  : सातारा शहरालगतच्या एका उपनगरात ३२ वर्षीय महिलेचा विनयभंग करून मारहाण केल्याची गंभीर घटना घडली आहे. दि. १८ जानेवारी रोजी रात्री १ ते २.३० वाजण्याच्या सुमारास सात जणांनी जबरदस्तीने घरात प्रवेश करून अश्लील शिवीगाळ, दमदाटी करत फिर्यादी महिलेला बेदम मारहाण केली.या घटनेत फिर्यादीच्या डोक्यात कढई मारण्यात आली असून तिच्या मुलीला व आईलाही मारहाण करण्यात आल्याचे तक्रारीत नमूद आहे. यामध्ये दोन अनोळखी व्यक्तींचा समावेश आहे. याप्रकरणी सातारा शहर पोलीस ठाण्यात सात जणांविरोधात गुन्हा दाखल करण्यात आला असून अधिक तपास पोलीस हवालदार अवघडे करत आहेत.