सातारा : विलासपुर मध्ये अज्ञात चोरट्यांनी घरफोडी करून सुमारे साडेसात तोळे वजनाचे दागिने लंपास केल्याची फिर्याद सातारा शहर पोलीस ठाण्यात नोंदविण्यात आली आहे.

याबाबत पोलिसांनी दिलेली माहिती अशी, दि. 9 रोजी दुपारी एक ते पाच वाजण्याच्या दरम्यान जितेंद्र रवींद्र कदम रा. विलासपूर, गोडोली, सातारा यांच्या घराचे कुलूप तोडून अज्ञात चोरट्यांनी घरातील सुमारे साडेसात तोळे वजनाचे, 4 लाख 48 हजार 500 रुपये किंमतीचे सोन्या-चांदीचे दागिने लंपास केले आहेत. याबाबतची फिर्याद सातारा शहर पोलीस ठाण्यात नोंदविण्यात आली असून पुढील तपास सहाय्यक पोलीस निरीक्षक कांबळे करीत आहेत.