सातारा  : बॉम्बे रेस्टॉरंट चौक परिसरातील म्हावशे पेट्रोल पंपाजवळ संशयितरित्या आढळून आलेल्या एका जवळ हिरो होंडा कंपनीची दुचाकी आढळून आली. दुचाकी संदर्भात कोणतीही कागदपत्रे सादर करताना आल्याने त्याच्यावर सातारा शहर पोलीस ठाण्यात पोलीस अधिनियम 1951 च्या कलम 124 प्रमाणे गुन्हा नोंद करण्यात आला आहे. याप्रकरणी पोलीस कॉन्स्टेबल संतोष प्रकाश गाडगे (वय 36) यांनी सातारा शहर पोलीस ठाण्यात फिर्याद दिली आहे. 

विकास प्रभाकर कोळी (वय 19 रा.  मराठी शाळेजवळ वनवासवाडी,  ता. सातारा) याला ताब्यात घेण्यात आले आहे. कोळी याच्या जवळ 50 हजार रुपये किमतीची टाकीवर निळी पट्टी असलेली हिरो होंडा कंपनीची मोटर सायकल आढळून आली आहे. मोटरसायकलच्या मालकी हक्काबाबत त्याच्याकडून कोणतीही कागदपत्रे सादर झालेली नाहीत त्यामुळे त्यांनी ती दुचाकी चोरली असल्याचा संशय आहे.पोलीस हवालदार देशमुख एस. के. अधिक तपास करत आहेत.