सातारा : लक्ष्मी टेकडी परिसरात एका महिलेस मारहाण करून तिच्या गळ्यातील मंगळसूत्र हिसकावल्याचा प्रकार उघडकीस आला आहे. या घटनेत फिर्यादीच्या आजीवर दगडाने हल्ला करून तिला जखमी करण्यात आल्याचाही आरोप आहे. 

याबाबत पोलिसांनी दिलेली माहिती अशी, 9 जून रोजी सायंकाळी घडलेल्या या प्रकारानंतर छाया शेलार यांनी सातारा शहर पोलीस ठाण्यात तक्रार दिली. त्यानुसार चेतन नाटेकर आणि सुनील आडवे या दोघांविरुद्ध गुन्हा दाखल करण्यात आला असून पुढील तपास पोलीस उपनिरीक्षक जायपत्रे करीत आहेत.