सातारा : विलासपूर (गोडोली) येथील विवाहितेला फोन करून, शिवीगाळ आणि दमदाटी केल्याप्रकरणी पती व एका अनोळखी व्यक्तीवर सातारा शहर पोलीस ठाण्यात गुन्हा दाखल झाला आहे. याबाबत पोलिसांनी दिलेली माहिती अशी, एका अनोळखी व्यक्तीने अस्मिता राजेंद्र वाघमारे (वय 38) यांना बुधवारी (दि. 3) सायंकाळी 6 च्या सुमारास फोन केला. तुमच्या पतीने कर्ज घेतल्याचे सांगत, त्या व्यक्तीने अस्मिता यांना दमदाटी आणि शिवीगाळ केली. त्याला आपला पती राजेंद्र यानेच फोन करायला सांगितल्याची तक्रार अस्मिता यांनी दिली असून, महिला हवालदार अवघडे तपास करत आहेत.