सातारा : पूर्वीच्या किरकोळ वादातून तरुणाच्या पाठीवर कोयत्याने वार करून जखमी केल्याची घटना क्षेत्रमाहुलीतील भैरवनाथ मंदिरामागे घडली. हल्ल्यानंतर शिवीगाळ करून धमकी दिल्याचा आरोप असून, याप्रकरणी अक्षय आढाव याच्याविरोधात सातारा शहर पोलिस ठाण्यात गुन्हा दाखल करण्यात आला आहे.
तेजस मिलिंद बर्गे (वय 26, व्यवसाय डीजे ऑपरेटर, रा. क्षेत्रमाहुली) यांनी फिर्याद दिली. दि. 25 रोजी रात्री साडेबारा वाजण्याच्या सुमारास बर्गे मंदिराच्या मागे असताना आढाव मोटारसायकलवरून तेथे आला. त्याने शर्टच्या पाठीमागे लपविलेला कोयता काढून बर्गे यांच्या पाठीच्या उजव्या बाजूस वार केला.
यानंतर धमकी दिल्याचे फिर्यादीत नमूद आहे. मित्रांनी बर्गे यांना सातारा सिव्हिल हॉस्पिटलमध्ये दाखल केले. त्यांच्यावर उपचार सुरू आहेत.