सातारा :  सदरबझार परिसरातील फिनिक्स अकॅडमीच्या मुलींच्या निवासी वस्तीगृहातून एक विद्यार्थिनी बेपत्ता झाल्याची घटना समोर आली आहे.

याबाबत पोलिसांनी दिलेली माहिती अशी, संबंधित मुलगी कोणासही न सांगता वस्तीगृहातून निघून गेली असून अद्याप घरी परतली नसल्याने कुटुंबीयांनी ती बेपत्ता झाल्याची तक्रार दिली आहे.

ही घटना दि. १२ रोजी सकाळी सुमारे ७ वाजण्याच्या सुमारास सदर बाजार येथील वस्तीगृहात घडली. याप्रकरणी सतीश दादासो सावंत (वय ४५, रा.  लिंब ता.जि.सातारा) यांनी सातारा शहर पोलीस ठाण्यात खबर दिली आहे.

बेपत्ता झालेली विद्यार्थिनी सानिका सतीश सावंत (रा. लिंब, ता. सातारा) असे तिचे नाव आहे. घटनेचा अधिक तपास महिला पोलीस हवालदार पाटील या करीत असून पोलिसांकडून शोधमोहीम सुरू करण्यात आली आहे.