सातारा  : सातारा शहर परिसरातील गोडोली नाका आणि सदरबझार परिसरात विनापरवाना सुरु असणाऱ्या जुगार अड्यावर छापा टाकून पोलिसांनी दोघांना ताब्यात घेऊन त्यांच्याकडील सुमारे १८६० रुपयांचा मुद्देमाल जप्त केला आहे. पोलिसांनी याप्रकरणी जाफर शहाबुद्दीन सय्यद (रा. उडतारे, ता. वाई, जि. सातारा) व आशपाक गुलाब शेख (रा. भिमाबाई आंबेडकरनगर, सातारा) यांना ताब्यात घेतले आहे.

जाफर सय्यद याचा गोडोली नाका ते पोवई नाका जाणाऱ्या रोडवर असलेल्या चिकन दुकानाच्या आडोशाला तर आशपाक शेख याच्या सदरबझार परिसरातील एका चिकन दुकानाच्या आडोशाला सुरु असणाऱ्या जुगार अड्ड्यावर छापा टाकून ही कारवाई केली. पोलिस कर्मचारी वैभव माने आणि सुहास कदम हे या घटनेचा अधिक तपास करीत आहेत.