सातारा : स्वाभिमानी शेतकरी संघटनेचे जिल्हाध्यक्ष राजेंद्र उर्फ राजू सर्जेराव शेळके यांना शिवीगाळ करून धमकी दिल्याप्रकरणी चार जणांविरोधात सातारा शहर पोलीस ठाण्यात गुन्हा दाखल करण्यात आला आहे. याबाबत पोलिसांनी दिलेली माहिती अशी, दि. 9 रोजी रविवार पेठेतील भाजी मंडईत दुपारी सव्वा बारा वाजण्याच्या सुमारास स्वाभिमानी शेतकरी संघटनेचे जिल्हाध्यक्ष राजेंद्र उर्फ राजू सर्जेराव शेळके रा. जावळवाडी, पोस्ट वेणेगाव, ता. सातारा यांना कापून टाकीन, गोळ्या घालीन, अशी धमकी दिल्या प्रकरणी रोहित जगन्नाथ नाईक, जगन्नाथ नाईक, सुनिता जगन्नाथ नाईक, राकेश जगन्नाथ नाईक सर्व रा. खेड, सातारा तसेच दोन अनोळखी इसमांच्या विरोधात सातारा शहर पोलीस ठाण्यात गुन्हा दाखल करण्यात आला आहे. अधिक तपास पोलीस हवालदार मेचकर करीत आहेत.