सातारा : अपघातात दुचाकी चालकास जखमी केल्याप्रकरणी महिला कार चालकाविरोधात सातारा शहर पोलीस ठाण्यात गुन्हा दाखल करण्यात आला आहे.

याबाबत पोलिसांनी दिलेली माहिती अशी, दि. 25 रोजी सकाळी साडेसहा वाजण्याच्या सुमारास फॉरेस्ट कॉलनी गोडोली परिसरात महेश मोहन कुंदप रा. रामाचा गोट, सातारा हे त्यांच्या ताब्यातील दुचाकीवरून सातारा-रहिमतपूर रस्त्याने जात असताना चारचाकी क्र. एमएच 12 पीएन 8113 वरील महिला कार चालकाने कार भरधाव वेगात चालवून कुंदप चालवीत असलेल्या मोटरसायकलला पाठीमागून जोराची धडक दिली. या अपघातात कुंदप हे जखमी झाले आहेत. अधिक तपास पोलीस हवालदार कारळे करीत आहेत.