सातारा : सुरज मारुती साबळे (वय 33) यांनी शिवथर, ता. सातारा हद्दीत मंगळवारी (दि. 18) ब्राह्मणाच्या शिवारात आंब्याच्या झाडाला गळफास घेतल्याने, त्यांना जिल्हा रुग्णालयामध्ये दाखल करण्यात आले होते. डॉक्टरांनी तपासणी करून, त्यांचा मृत्यू झाल्याचे घोषित केले. या घटनेची नोंद सातारा तालुका पोलीस ठाण्यात झाली असून, हवालदार बोराटे तपास करत आहेत. दुसर्‍या घटनेत शाहूपुरी येथे संदीप शिवाजीराव जाधव (वय 50) यांनी गळफास घेऊन आत्महत्या केल्याची नोंद शाहूपुरी पोलीस ठाण्यात झाली आहे. पोलीस नाईक करपे तपास करत आहेत.