सातारा :  गोडोली परिसरात दुचाकीला पाठीमागून चारचाकी वाहनाने धडक दिल्याने दुचाकीस्वार जखमी झाला. अपघातानंतर वाहनाच्या क्रमांकाच्या आधारे सातारा शहर पोलिसांनी चालकाविरुद्ध गुन्हा दाखल केला आहे.
गणेश हणमंत देवरे (रा. दहिवड, ता. खटाव) यांनी पोलिसांत तक्रार दिली. ते दुचाकीवरून जात असताना मागून आलेल्या चारचाकीने त्यांच्या वाहनाला धडक दिली. या अपघातात देवरे जखमी झाले.
घटनेची नोंद सातारा शहर पोलिस ठाण्यात करण्यात आली असून हवालदार कारळे तपास करीत आहेत.