सातारा : नेले (ता. जि. सातारा) येथे शेतजमिनीच्या वहिवाटीच्या कारणावरुन झालेल्या वादावादीतून पती - पत्नीला मारहाण केल्याप्रकरणी सातारा तालुका पोलिसांत तिघांवर गुन्हा दाखल झाला आहे. गौरव विलास जाधव, विलास गणपती जाधव, सुनंदा विलास जाधव (सर्व रा. नेले, ता. सातारा) यांच्याविरुध्द गुन्हा दाखल झाला आहे. अतुल जाधव यांनी याबाबत तक्रार दिली आहे. त्यांनी तक्रारीत स्वत:सह, पत्नी सुप्रिया हिला शिवीगाळ, दमदाटी करीत मारहाण केल्याप्रकरणी गुन्हा दाखल झाला आहे. पो. हवालदार वायदंडे हे या घटनेचा अधिक तपास करीत आहेत.