सातारा : महाराष्ट्रात प्रतिबंधित पानमसाला व सुगंधित तंबाखूचा साठा करून विक्री करणाऱ्यावर सातारा शहर पोलिसांनी कारवाई केली. गुरुवार पेठेत केलेल्या छाप्यात सुमारे १ लाख ४० हजार रुपयांचा प्रतिबंधित माल जप्त करण्यात आला.
आसिफ इस्माईल खान (४२) याच्याकडे विविध कंपन्यांचा पानमसाला व तंबाखूचा साठा आढळला. हिरा, विमल, आरएमडी, व्ही-१ यांसह विविध ब्रँडचा माल पोलिसांनी ताब्यात घेतला.
अन्नसुरक्षा अधिकारी ऋतुजा चव्हाण यांच्या फिर्यादीवरून सातारा शहर पोलीस ठाण्यात गुन्हा दाखल झाला आहे. तपास पोलीस उपनिरीक्षक पाटोळे करीत आहेत.