सातारा : पहाटे घरातून बेपत्ता झालेल्या २० वर्षीय तरुणीचा सातारा तालुका पोलिसांनी अवघ्या चार तासांत शोध घेतला. तांत्रिक तपास आणि गोपनीय माहितीच्या आधारे करंजे पेठेतून तिला सुखरूप ताब्यात घेण्यात आले.
वनगळ येथील तरुणी दि. ५ रोजी पहाटे पाचपासून बेपत्ता होती. कुटुंबीयांनी अपहरणाची शक्यता व्यक्त केल्यानंतर पोलिसांनी गुन्हा दाखल करून तपास सुरू केला. पोलीस निरीक्षक निलेश तांबे यांच्या मार्गदर्शनाखाली पथकाने तांत्रिक विश्लेषणातून तिचे ठिकाण शोधले. करंजे पेठेत सापळा रचून तिला ताब्यात घेण्यात आले. पुढील कायदेशीर प्रक्रिया सुरू आहे.