सातारा : सातारा शहरासह तालुक्यात घडलेल्या तीन वेगवेगळ्या घटनांमध्ये तीन जण बेपत्ता झाल्याच्या फिर्यादी संबंधित पोलीस ठाण्यांमध्ये नोंदविण्यात आल्या आहेत.

याबाबत पोलिसांनी दिलेली माहिती अशी, दि. 11 रोजी सकाळी आठ ते नऊ वाजण्याच्या सुमारास धीरज मारुती वाडकर रा. कृष्णानगर, सातारा हा युवक राहत्या घरातून कोणास काही एक न सांगता निघून गेला आहे. अधिक तपास महिला पोलीस हवालदार पाटील करीत आहेत.

दुसऱ्या घटनेत, दि. 14 रोजी सातारा तालुक्यातील एका गावात राहणारी 24 वर्षीय विवाहिता राहत्या घरातून कोणास काही एक न सांगता निघून गेली आहे. अधिक तपास पोलीस हवालदार पिसाळ करीत आहेत.

तिसऱ्या घटनेत, दि. 12 रोजी सकाळी सहा वाजण्याच्या पूर्वी राजेंद्र सोपान सोनमळे रा. म्हसवे, ता. सातारा हे राहत्या घरातून निघून गेले आहेत. अधिक तपास सहाय्यक फौजदार माने करीत आहेत.