सातारा : रस्ता अपघातात जखमी झालेल्या पादचार्‍याचा उपचारादरम्यान मृत्यू झाल्याची नोंद सातारा शहर पोलीस ठाण्यात करण्यात आली आहे.
याबाबत पोलिसांनी दिलेली माहिती अशी, क्षेत्रमाहुली ता. सातारा येथे पादचार्‍याला दुचाकीची धडक बसल्यानंतर अपघातात जखमी झालेल्या दिलीप यशवंत डांगे (वय 73, रा.क्षेत्रमाहुली) यांचा उपचारादरम्यान मृत्यू झाला. अपघाताची घटना दि. 3 सप्टेबर रोजी घडली असून याप्रकरणी अनिल छबु जाधव (वय 38, रा.शाहूनगर) याच्या विरुध्द सातारा शहर पोलीस ठाण्यात गुन्हा दाखल झाला आहे. अधिक तपास पोलीस उपनिरीक्षक शिरोळे करीत आहेत.