जम्‍मू-काश्‍मीर : जम्‍मू-काश्‍मीर विधानसभेच्‍या पाच दिवस अधिवेशनाला आज (दि. ४) प्रारंभ झाला. अधिवेशनाच्‍या पहिल्‍याच दिवशी राज्‍याला विशेष दर्जा बहाल करणारे कलम ३७० पुनर्संचयित करण्‍याचा प्रस्‍ताव 'पीडीपी'च्‍या आमदार वाहिद पारा यांनी मांडला. या प्रस्‍तावाला भाजपच्‍या आमदारांनी तीव्र निषेध केला. यानंतर विधानसभेत प्रचंड गदारोळ झाला.

जम्मू-काश्मीर विधानसभेत पीडीपीचे आमदार वाहिद पारा यांनी कलम 370 मागे घेण्याचा प्रस्ताव मांडला. जम्मू-काश्मीरला पुन्हा एकदा विशेष राज्याचा दर्जा द्यावा, अशी मागणी त्‍यांनी केली. विधानसभेत या प्रस्तावावरून भाजप आणि पीडीपी आमदारांमध्ये जोरदार वादावादी झाली. वाहीद पारा हे जम्मू-काश्मीरच्या पुलवामा मतदारसंघाचे आमदार आहेत. त्यांच्या या मागणीला त्यांच्या सहकारी आमदारांनीही पाठिंबा दिला होता.

कलम 370 मागे घेण्याच्या 'पीडीपी' आमदार वाहिद पारा यांच्या प्रस्तावाला भाजपने उघड विरोध केला . वाहिद पारा यांच्या प्रस्तावाच्या विरोधात भाजपचे सर्व 28 आमदार उभे राहिले आणि त्यांनी या प्रस्तावाला विरोध केला. यामुळे सभागृहात प्रचंड गदारोळ झाला. वहीद पारा यांनी असा प्रस्ताव आणून सभागृहाच्या नियमांचे उल्लंघन केले असल्याने त्यांना निलंबित करावे, अशी मागणी भाजपचे आमदार लाल शर्मा यांनी केली आहे. मात्र, यावेळी नवनिर्वाचित अध्‍यक्ष अब्दुल रहीम राथेर यांनी आमदारांना शांत राहण्‍याचे आवाहन केले. हा प्रस्ताव अद्याप माझ्याकडे आलेला नाही, असे सभापती अब्दुल रहीम राथेर यांनी म्हटले आहे. ते वाचूनच कोणताही निर्णय घेतला जाईल. भाजप आमदारांच्या निषेधादरम्यान नॅशनल कॉन्फरन्सचे आमदारही वेलमध्ये आले आणि त्यांनी भाजप आमदारांवर सभागृहाचे कामकाज व्यत्यय आणल्याचा आरोप केला. यामुळे काही काळ सभागृहात तणावाचे वातावरण निर्माण झाले.