सातारा : वडिलांवर दाखल असलेला गुन्हा मागे घेण्यासाठी दबाव टाकत दाम्पत्याला शिवीगाळ व लाथाबुक्क्यांनी मारहाण केल्याची घटना कामाठीपुरा येथे रविवारी रात्री घडली. या प्रकरणी पती-पत्नीविरुद्ध सातारा शहर पोलीस ठाण्यात गुन्हा दाखल करण्यात आला आहे.

अजिज अलाउद्दीन मुलाणी (वय 37, व्यवसाय-केटरिंग, रा. कामाठीपुरा) यांनी याबाबत फिर्याद दिली आहे. फिर्यादीनुसार, प्रज्वल दत्तात्रय शिंदे व त्यांची पत्नी यांनी माझ्या वडिलांवरील गुन्हा मागे घ्या, नाहीतर तुला सोडणार नाही, अशी धमकी दिली. त्यानंतर दोघांनी फिर्यादी व त्यांची पत्नी यांना हाताने तसेच लाथाबुक्क्यांनी मारहाण केली. यावेळी शिवीगाळ व दमदाटीही करण्यात आल्याचा आरोप आहे. त्यानुसार दोघांविरुद्ध गुन्हा नोंदविण्यात आला असून, पुढील तपास पोलीस हवालदार मोरे करीत आहेत.