सातारा : ऊस दराप्रमाणे दुधाला रास्त भाव देण्यात येऊन त्याला एफ आर पी कायदा लागू करावा तसेच दूध दराच्या संदर्भातील सर्व मागण्या मान्य करण्यात याव्यात अन्यथा दिनांक 23 डिसेंबर 2024 पासून सातारा जिल्ह्यात बेमुदत दूध वाहतूक बंद आंदोलनाचा इशारा स्वाभिमानी शेतकरी संघटनेच्या वतीने देण्यात आला आहे. स्वाभिमानी शेतकरी संघटनेचे कराड उत्तर तालुकाध्यक्ष प्रमोद सिंह जगदाळे यांनी याबाबतचे निवेदन जिल्हा प्रशासनाला सादर केले आहे या निवेदनावर सुमारे 25 शेतकर्‍यांच्या स्वाक्षरी आहेत

गायीच्या दुधाला 40 रुपये तर म्हशीच्या दुधाला 70 रुपये प्रति लिटर दर मिळावा,दूध दराला उसाप्रमाणे एफ आर पी कायदा लागू करावा, पशुखाद्याचे दर कमी करावेत, इतर राज्याप्रमाणे महाराष्ट्राने दुधाचा स्वतःचा ब्रँड विकसित करावा, सदोष मिल्क मीटर मधून होणारी लूटमार थांबवावी, तालुकास्तरावर मिल्को मिटर टेस्टिंग तपासणी भरारी पथक नियुक्त करावे, शासनाची जनावरे विमा योजना सुरू करावी, कायद्याचे पालन करणार्‍या दूध संघांवर कायदेशीर कारवाई करावी, दुधाला उसाप्रमाणे 80-20 चा फॉर्म्युला लागू करावा, इत्यादी मागण्या निवेदनात करण्यात आले आहेत